Женската ракометна репрезентација на Македонија денеска ќе ги дознае противниците за следниот квалификациски циклус за пласман на ЕП 2018 во Франција. Со денешната ждрепка во Париз, 28 репрезентации ќе бидат поделени во седум квалификациски групи со по четири тима. Пласман на ЕП обебзедуваат првите две репрезентации од секоја група и најдобрата третопласирана репрезентација во квалификациите.
За денешната ждрепка, Македонија е во третиот барабан заедно со Словачка, Словенија, Украина, Австрија, Белорусија и Турција.
Квалификациските натпревари ќе се играат во три фази. Првите две кола се на 27 септември и 1 октомври, втората фаза (3 и 4.коло) е на 21 и 25 март 2018, а завршните две кола ќе се одиграат на 30 мај и на 3 јуни 2018.
Ждрепка за квалификациите за ЕП 2018:
Прв барабан: Норвешка, Холандија, Романија, Данска, Шведска, Шпанија, Црна Гора
Втор барабан: Русија, Германија, Полска, Унгарија, Србија, Чешка, Хрватска
Трет барабан: Словачка, Словенија, Украина, Австрија, Белорусија, Турција, Македонија
Четврт барабан: Италија, Исланд, Литванија, Португалија, Швајцарија, квалификант 1 и квалификант 2.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
