Полска ја одбележа годишницата од падот на авионот

Во Полска денеска се одбележува седмата годишнина од падот на авионот во Русија, при што загинаа тогашниот претседател на Полска Лех Качински, неговата сопруга и уште 94 лица.

Владејачката партија на Полска ја предводи Јарослав Качински, братот близнак на загинатиот претседател, кој инсистира на редовна комеморација за една од најголемите трагедии на земјата, како и на почит кон поранешниот претседател.

Полскиот претседател Андржеј Дуда и ќерката на покојниот претседател Марта Качински положија цвеќе на гробот во Краков.

Јарослав Качински положи цвеќе покрај варшавската претседателска палата во 8.41 часот, по локално време, – моментот кога пред седум години се случи несреќата со авионот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.