Хофенхајм го победи големиот Баерн, Борусија Дортмунд рутински на домашен терен (видео)

Хофенхајм ја продолжи серијата фантастични резултати успевајќи да го земе и скалпот на шампионот, откако оваа екипа на домашен терен славеше на Баерн Минхен со 1-0. Одлуката на Карло Анчелоти да го одмори Тијаго, а воедно и мечот да го стартува без Рибери и Лам, му се одмазди на стратегот на баварците, кои го претрпеа само вториот пораз сезонава.

Андреј Крамариќ беше стрелец на единствениот гол на натпреварот со прецизен удар од дваеетина метри што гостинскиот голман можеше да го одбрани, но не се снајде најдобро. Во финишот од полувремето Левандовски од пет метри ја погоди само гредата, за Баерн да промаши уште неколку извонредни шанси во вториот дел, па Хофенхајм да стигне до огромни три бода со кои се задржа на третото место на табелата пред Борусија Дортмунд.

„Милионерите“ вечерва рутински си ја завршија задачата против Хамбургер, триумфирајќи со 3-0. Кастро погоди за 1-0 од слободен удар, а по бројните промашени шанси избраниците на Тухел постигнаа уште два гола во последните десет минути, преку Кагава и Обемејанг.

Резултати Бундес лига:

Вердер – Шалке 3-0, Келн – Ајнтрахт 1-0, Борусија Д. – Хамбургер 3-0, Хофенхајм – Баерн М. 1-0.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.