Немам зборови, возбуден сум. Овој филм е мојот прв документарен филм и се погоди во време кога здравјето не ме служи, но одиме понатаму, го започна првиот говор актерската легенда Љубиша Самарџиќ пред полното гледалиште на отворањето на најстариот филмски фестивал во Србија, Мартовскиот фестивал.
Белградскиот фестивал на документарни и краткометражни филмови беше отворен со неговиот филм „Панта реи“и филмот „Бункер 93“ на Пируша Ѓорѓевиќ.
Филмот на Самарџиќ е автобиографски и опфаќа цел спектар ликови, од тткото рудар до сопругата Мира, која му е голема поддршка во животот.
Популарниот актер и режисер Љубиша Самарџиќ во декември беше итно опериран, а медиумите сега наведуваат дека тој ја води најважната битка – битката за живот.
Со поддршка од најблиските, 80-годишниот актер се бори да закрепне, по многубројните компликации со кои се соочил кон крајот на минатата година.
Бидејќи тој не сакал никого да оптоварува со своите проблеми, за неговото нарушено здравје јавноста не знаеше ништо, па веста дека тој имал операција на мозокот изненади многумина.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
