Иако има 39 години и рекордни 1.000 натпревари зад своето име, Џанлуиџи Буфон по се изгледа не сака да ја прекине својата фудбалска приказна во блиска иднина. Дури и порача дека е спремен да одигра уште толку, што се разбира не е возможно, бидејќи ќе треба да игра до својата 60. година.
Но, на својот Твитер профил покажа натпреварувачки дух и им се заблагодари на сите следбеници за неизмерната поддршка со пораката:
„Благодарност до сите што бевте неверојатни кон мене во изминатите години. Ви Благодарам! Ви ветувам дека ќе се обидам да бидам во форма, кога ќе стигнам до 2.000 натпревари“.
Ветеранот во екипата на Јувентус има договор до јуни наредната година, а не ја крие желбата дека сака да се пензионира по Мундијалот во Русија 2018.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
