Претседателот на ВМРО-ДПМНЕ Никога Груевски во гостувањето во Дневникот на Канал 5 истакна дека СДСМ има јасен план кога ќе дојде Законот за двојазичност во Собранието.
-Тие планираат да стават таканаречено европско знаменце на законот што значи ограничување на минутажата и бројот на јавувања на пратениците колку долго може да расправаат. Иако тој закон не подлежи под такво европско знаменце. 2008-мата година кога е донесен првпат, немаше европско знаменце, затоа што немаше потреба од тоа, не спаѓа во таква група. Но, сега сакаат да го стават вештачки во таква група и на тој начин набрзина да го поминат. По цена да ги вадат пратениците со полицајци надвор, по цена да влезат и да ја внесат дрќавата во огромен хаос, да апсат. Ќе ги употребат сите методи. Законот не е единствената работа, платформата е јасна – таа се осврнува и на името и на грбот и на државата, на темелите на државата, додава Груевски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
