Скопје татни: Граѓаните сè поодлучни и сè побројни! (ФОТОГАЛЕРИЈА)

– Во Скопје вечерва продолжи протестот на граѓанската иницијатива „За заедничка Македонија“ со кој граѓаните изразија незадоволство за тиранската платформа и дадоа поддршка за унитарноста на државата.

– И вечерва повеќе од 150.000 граѓани на Македонија, во 31 град излегуваат да кажат дека се против тиранската платформа, против двојазична држава, против федерализација на Македонија и дека ова се нашите ултимативни барања. Од нив нема отстапка, рече Богдан Илиевски од иницијативата „За заедничка Македонија“.

На протестот се обрати и Нада Мисиркова, внуката на Крсте Петков Мисирков, која истакна дека делото на Мисирков за Македонија е незаборавно.

– Тој кажал дека оваа држава е Македонија, дека овде живее македонски народ и се зборува македонски јазик. Се надевам дека неговата борба не беше бесполезна. Загина заради оваа Македонија. Има многу луѓе кои него можат да го разберат, кои него можат да го почитуваат и кои можат да ја завршат работата која тој ја започнал уште пред 120 години. Верувам дека тој е многу жалосен што после 120 години, неговите мисли, неговите идеи не се исполнети. Се надевам дека неговото дело ќе биде на виделина и оти тој мирно и спокојно ќе спие, рече Мисиркова.

Поддршка на иницијативата „За заедничка Македонија“ денеска дадоа и ловџиите кои порачаа дека нема да прифатат туѓи платформи и повикаа на трпеливост во клучните моменти за државата.

Тие ги повикаа сите ловци без разлика на нивната етничка, верска, политичка определба да застанаат заедно во одбрана на државата, а побараа истото да го сторат и сите политички партии.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.