Манчестер јунајтед не успеа да победи на гостувањето кај Ростов, триумфи извојуваа ФК Копенхаген и Андерлехт

Англискиот премиерлигаш Манчестер јунајтед остана непоразен во Русија, играјќи 1-1 на гости против Ростов, во првиот осминафинален натпревар од Лигата на Европа. Тимот на Жозе Мурињо пред своите гледачи ќе треба да ја дозаврши задачата за пласман меѓу осумте најдобри екипи во ова натпреварување.

Ерменскиот интернационалец Хенрик Мхитаријан, на асистенција на Ибрахимовиќ, го доведе Манчестер јунајтед во водство во 35.минута. Но, Ростов успеа да израмни во 53.минута, со погодокот на Александар Букаров.

ФК Копенхаген обезбеди предност против Ајакс од 2-1. Домашниот тим поведе уште во првата минута со голот на Факл, а Долберг израмни до крајот на првиот дел. Сепак, Корнелиус донесе триумф за данскиот претставник по првите 90 минути од овој дуел.

Андерлехт на гости славеше против кипарскиот АПОЕЛ со 0-1, а стрелец на победничкиот погодок беше Станчиу во 29.минута од натпреварот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.