Човекот кој со две раце ја прифати албанската платформа смислувана во Тирана само за по секоја цена да дојде на власт не може да го сокрие своето вистинско лице. Откако веќе во своето интервју во Алсат М порача дека не му доликува да биде патриот, во минатото тој и на дело го покажа тоа.
Фотографијата на лидерот на опозициската СДСМ, Зоран Заев во прегратка со Беким Алиу докажува дека тој ги бодрел и подржувал терористите – тврди „Пулс 24“. Според нив истиот тој Беким Алиу постојано објавувал статуси на „Фејсбук“ откривајќи ги позициите на македонските полицајци во Диво Насеље во Куманово каде што 26 часа се водеше борба.
„Сега моментално се собрани кај „Голд хипермаркет“ околу 50 луѓе од специјалната единица…“ – напишал Алиу на својот профил на „Фејсбук“.
Во саботата околу 8 часот и 25 минути тој ги пофалил мажите што пет часа војувале со македонската полиција.
Место да се слика и прегрнува со Беким Алиу и да се фотграфира со луѓе што не ѝ посакуваат добро на Македонија, зошто Заев не отиде да му даде поддршка на детето што објави трогателна порака на „Фејсбук“ по загубата на својот татко во борбата во Куманово – пишува „Пулс24“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
