Балетскиот спектакл Клеопатра гостуваше вчера во Битола, каде во преполната сала на Центарот за култура изведбата беше проследена од многубројни љуботели на балеткста уметност.
Со „Клеопатра“се одбележува јубилејот на примабалерината Александра Мијалкова.
– Чест ми е што мојата кариера ја крунисувам со оваа грандиозна личност, ликот на Клеопатра, последната кралица на Египет. Нејзината женственост и убавина беа предизвик за мене како уметник да ги изразам мојата индивидуалност, креативност и танчарски сензибилитет-истакна Мијалкова.
– Кореографот Василиј Медведев и порано работел со Александра, и веќе тогаш, за време на поставувањето на „Дамата со камелии“ ние мечтаевме да создадеме оригинален, нов балет – специјално за Александра, па во светот има многу примери кога балетот се создава заради една истакната танчерка. Ние имавме многу идеи и варијанти, но на крајот изборот падна на Клеопатра – наследничка на Александар Македонски, чија слава на убавината преживеала не со векови, туку со милениуми“, велат од МОБ.
Балетскиот спектакл е дело за кое познатиот композитор од Литванија Нериа Голдберг напишал прекрасна музика, а писателката од Турција Јана Темиз создала ново либрето. На сцената има околу 150 изведувачи, а изготвени се 400 оригинални костими. Цезар е Васил Чичијашвили (Грузија), Марк Антони- Бобан Ковачевски, Октавија- Марија Кичевска Шокаровска, Змија- Мими Поп Алексoва Атанасовска, Октавијан- Киро Павлов, Аполодор-Дојчин Дочев (Бугарија).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Шок во Бордо: Суботиќ во бесознание, доби удар од голманот на Ст.Етјен
-
Кузмановска: Неспособната власт ги задолжи граѓаните за нови 21,1 милион евра
-
И јас трпев насилство од поранешниот партнер: Министерката си ја отвори душата!(видео)
-
Руси масовно дрифтаат во снег, ни полицијата не им може ништо (Видео)
