Голден стејт тешко игра без Кевин Дурант, пораз на Оклахома во Портланд (видео)

Без поддршката од Кевин Дурант, Голден стејт лошо си помина на гостувањето во Чикаго. Вориорси загубија во „Јунајтед центарот“ со 94-87, во меч во кој Џими Батлер со 22 поени беше најефикасен во победничкиот тим, додека Стеф Кари за гостите запиша 23 поени.

Победа синоќа запиша и Феникс во дуелот со Шарлот од 120-103. Маркес Крис за домашните постигна 17 поени, а го следеа Алан Вилијамс и Ти-џеј Ворен со по 15 постигнати поени. Кај гостите се издвои Кемба Вокер со 26 поени.

Портланд на домашен терен славеше против Оклахома со 114-109, со одличен настап на босанскиот репрезентативец Јусуф Нуркиќ кој мечот го заврши со 18 поени, 12 скока, шест асистенции и пет блокади. Најдобар во победничкиот состав беше Дамиан Лилард со 33 поени.

Оклахома по обичај беше предводен од Расел Вестбрук кој постигна 45 поени, дополнети и со осум скока.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.