Кузев: Одлуката на Иванов е уставна и го одржува нејзиниот унитарен карактер

-Одлуката е уставна бидејќи тој во понудата за добивање на мандат, покрај мнозинството на пратеници кои што требаат да се обезбедат како парламентарно мнозинство, јасно насочи уште два сегмента кои што се значајни за државата, тоа е одржливоста на државата и нејзиниот унитарен карактер и местото и улогата на безбедносниот сектор каде што тој, да не заборавиме, се јавува како врховен командант на вооружените сили, истакна професорот по безбедност, Стојан Кузев.

Тоj додава и дека во Уставот ова прашање секако дека има недоречености и логично е да се слушнат спротиставени ставови. Одлуката на претседателот Иванов ја ценам како конструктивна во смисла на тоа да политичките субјекти кои што амбицираат да бидат власт во наредниот период уште еднаш ги кажуваат моделите и начините и содржината на владеењето.

Професорот Кузев на прашењето како ги толкува резултатите од изборите, вели дека тие не донесоа јасен победник, а од тие причини амбициите за следно владеење пораснаа кај повеќето политички субјекти. А со тоа и прекршено е досегашното коалицирање на победникот од македонскиот политички блок со победникот од албанскиот политички блок е кој е погазен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.