Банкар му украл 60.000 евра на клиент

Банкар во КИБ банката во Куманово со лажни електронски вирмани успеал да си присвои над 60.000 евра од клиент на банката кој живее во Шведска.

СВР Куманово поднесе кривична пријава против Д.Т.(41) од Куманово за кривични дела злоупотреба на службената положба и овластување, проневера во службата и фалсификување службена исправа.

Пријавениот, во ноември 2008 година, вработен како благајник во Комерцијално инвестициона банка АД Куманово, во шест наврати изготвил налози за готовинска исплата за подигање парични средства од сметката на Е.Г.Ф.(50) од Куманово со живеалиште во Шведска, се евидирал со негов електронски потпис и на место на примател на паричните средства го фалсификувал потписот на Е.Г.Ф., подигнувајќи вкупно 3.659.900 денари, а лажните налози ги употребил при раздолжување со дневен промет во евиденцијата на банката.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.