Јувентус потешко од очекувањата славеше победа над Емполи (видео)

Актулениот шампион на Италија, Јувентус, го продолжува патот кон одбрана на титулата во Серија А, славејќи во 26. коло на домашен терен против Емполи со 2-0.

Во првото полувреме „Старата дама“ не успеа да го скрши отпорот на гостите, кои во првиот дел одлично се бранеа.

Сепак, на почетокот од вториот дел упорниот Манџукиќ се запиша во листата на стрелците, носејќи заслужена предност на својот тим. Од десната страна перфектен центаршут упати Квадрадо, на топката налета Хрватот и со глава ја „закова“ во мрежата на Емполи. Не поминаа ни 15 минути откако следуваше уште еден шок за гостите, кој значеше и сигурна победа на Јувентус. Овој пат творци на вториот гол за „старата дама“ беа Бразилците, Алвес-Сандро. Поискусниот асистираше до левиот бек, кој одлично се ослободи од својот чувар и со итар удар по земја зголеми на конечни 2-0.

Утре, на програмата од Серија А ќе се одиграат седум натпревари, а покрај дербито во Милано меѓу Интер и Рома за нас најитересни ќе бидат дуелите на Палермо на Несторовски и Трајковски против Сампдорија (12.30 часот) и Џенова на Горан Пандев против Болоња (15.00 часот).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.