Кина: Голем пожар во хотел, изгореа 10 луѓе (Видео)

Во хотел во југоисточна Кина изби голем пожар при што загинаа 10 лица.

Пожарот се случи во градот Нанчанг. Огнот ги „заробил“ луѓето што се наоѓале во објектот.

На видеата што беа објавени на кинеските социјални мрежи се гледа густ облак од чад како се создава над хотелот. Едно лице заврши во болница, откако скокна од прозорец за да се спаси.

Медиумите објавија дека акцијата на пожарникарите е завршена, а постои сомнение дека пожарот го предизвикала машина што се користи за сечење на градежни материјали. Истрагата е во тек, а уапсени се 7 лица.

Ројтерс наведува дека вакви пожари не се невообичаени во Кина. Се додава дека безбедносните прописи не се почитуваат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.