Аца Петровиќ призна: Симнувањето од пиедесталот беше грешка и политичка одлука (видео)

Повеќе од две децении од Европското првенство во кошарка во Грција и гестот на хрватските кошаркари кои го напуштија пиедесталот при доделувањето на медалите на југословенските кошаркари, хрватскиот тренер Александар Петровиќ проговори за „Вечерњи лист“ и призна дека одлуката беше политичка и не целосно по волја на кошаркарите.

– Знам дека во салата имаше телефонска врска со Банските дворишта и со Туѓман и договорено беше соломонско решение. Требаше кошаркарите да се качат на подиумот, да го земат медалот и потоа да заминат. Тоа беше политичка одлука и по мое мислење и од денешна перспектива целосно погрешна. Јас тоа никогаш не би го направил – истакна Петровиќ.

Југославија ја победи Хрватска во полуфиналето, а подоцна беше подобра и од Литванија во мечот за европското злато.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.