Атрактивната Германка Јулија Гергес загуби на стартот на гранслем-турнирот во Париз, а подобра од неа на популарниот Ролан Гарос беше словачката тенисерка Жужана Куцова. Таа направи изненадување во 1. коло на турнирот и со 2-0 во сетови ја елиминира 24. носителка од Германија.
Првиот сет донесе многу возбудувања, а аутсајдерката Куцова го доби во тај-брејк со 10-8 во поени. Тоа и даде сигурност на 30-годишната тенисерка од Словачка, па вториот сет беше само формалност. Гергес ја „снема“ од теренот на Ролан Гарос и противничката не ѝ дозволи да освои ниту еден гем, за елиминација на атрактивната Германка со 6-7, 0-6.
Во следната рунда Куцова ќе игра со домашната претставничка Вирџини Рацано.
За Гергес највисок дострел на земјените терени во Париз останува пласманот во третото коло, што го оствари двапати, во 2011 година и лани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
