Се обидела да си го одземе животот, сопругот ја фатил за косата и ја спасил во последен момент (Видео +18)

Во драматичната снимка, жена од Кина се обидела да изврши самоубиство скокнувајќи од висока зграда, но нејзиниот сопруг успеал да ја фати за коњското опавче и да ја спаси со помош на полицајците кои веднаш дошле на местото на настанот.

Обидот за самоубиство се случил во провинцијата Сечуан, а се верува дека жената Канг имала семејни проблеми и кавга со сопругот Ли, со кој живеела во поткровјето на зградата.

Канг била многу вознемирена и бесна кога пристигнале полициските службеници. Не сакала да ѝ се приближат, а на сопругот постојано му повторувала да ја пушти.

Шест локални полицајци му помогнале на Ли да ја извлечат Канг на безбедно, зграпчувајќи го и него за ременот за да не падне заедно со сопругата, пишува Дејли Маил.

Еден од полицајците подоцна објаснил дека жената била спасена благодарение на одводна цевка широка 30 сантиметри, на која бил потпрен дел од нејзиното тело откако скокнала. „Мажот не можел да ја спаси само со тоа што ја зграпчил за косата, така што во спасувањето помогнала и цевката“, навел полицаецот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.