Наполи со „седумка“ ја почасти Болоња за второ место на табелата во Серија А (видео)

На отворањето на 23. коло во Серија А, фудбалерите на Наполи на гостувањето во Болоња, во натпревар со многу голови славеа победа од 1-7. Оваа победа ќе биде од голема самодоверба за тимот на Наполи пред гостувањето на 15 февруари, кај Реал Мадрид.

Наполи извонредно започна и во 6. минута веќе имаше водство од 0-2. Најпрво во 4. минута Хамшик со прекрасен гол со глава погоди за 0-1, а веќе две минути подоцна Инсиње зголеми на 0-2.

Во 24. минута Каљехон играше со рака во својот шеснаесетник, главниот судија покажа на белата точка за Болоња, но Дестро не го реализира ударот од белата точка. По само две минути Каљехон поради остар стар заработи нов жолт, што значеше исклучување.

Во 32. минута и Болоња остана со 10 фудбалери по исклучувањето на Масина, а Мертенс со прекрасен гол од слободен удар донесе високи 0-3 за гостите. До паузата иште два гола. Најпрво Торосидис намали на 1-3, а на 1-4 во 43. минута зголеми Мертенс со вториот гол во 43. минута.

Во второто полувреме главно се играше мирен натпревар, без многу шанси за гол, а повторно главно фудбалерите на Наполи беа тие кои се закануваа по голот на Болоња. Словакот Хамшик во 70. и 74. минута го комплетира својот хет-трик за убедливи 1-6, а Мертенс во 90. минута ги постави конечните 1-7, со својот трет гол на денешниот натпревар.

Со новата победа Наполи се искачи на второто место на табелата со бод повеќе од Рома и три помалку од Јувентус, но Рома има натпревар помалку, додека „старата дама“ дури два.

Утре на програмата се нови осум натпревари, а дерби натпреварот се игра од 20.45 часот помеѓу Јувентус и Интер. Палермо на Трајковски и Несторовски го пречекува Кротоне, а Џенова на Пандев игра на домашен терен против Сасуоло.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.