Субвенции за пренамена на старите селски куќи во туристички апртмани

Државата ќе ги субвенционира домаќинставата кои селските куќи ќе ги претворат во туристички апартмани. Газдите ќе добијат поврат на 60 отсто од трошоците за оваа намена но, не повеќе од 3 000 евра по домаќинство. Објектот мора да биде уреден согласно традицијата  на крајот во кој што се наоѓа, како и да се служи храна вообичаена за тоа подрачје.

Целта на мерката е да се подобри туристичката понуда и да се  развие руралниот туризам, кој според надлежните е особено интересен за странските посетители.

Аплицирањето за мерката ќе почне месецов и ќе биде по принципот прв дојден прв услужен.

Трета година по ред државата ќе ги субвенционира и угостителските објекти кои сакат да се брендираат. Доколку има потреба од нивно доуредување, 60 отсто од трошоците им се покриени. Максималната сума која можат да ја добијат е 2000 евра. Тие ја добиваат ознаката национално “грне”.

Услови за да некој ресторан или меана се брендира, односно добие пари од државата за таа намена е да служи традиционални јадења карактеристични за подрачјето во кое што се наоѓа, како и целопкупниот ентериер да биде во традиционален стил.

Повикот за оваа намена ќе биде објавен во март. И за двете мерки ќе се земат во предвид само докажаните трошоци настанати во периодот од 1 јануари годинава, до крајниот рок на аплицирање, утврден во јавниот повик.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.