Рома со гол од пенал во 97 минута, закажа полуфинална пресметка со Лацио во Купот на Италија (видео)

Во последниот четвртфинален натпревар, во Купот на Италија фудбалерите на Рома на својот „Олимпико“ ја пречекаа Чезена и на крајот со гол во 97. минута од пенал славеше победа од 2-1 за пласман во полуфиналето.

ленот на Серија Б, екипата на Чезена во првото полувреме беше рамноправен ривал, на моменти можеби и подобар противник и се чини заслужено на одмор се замина со реални 0-0.

За разлика од првото полувреме во вториот дел фудбалерите на Рома започнаа многу поагресивно и ја имаа контролата на играта. Како резултат на таквата игра стигна и водечкиот гол за „римската волчица“, кој беше дело на Џеко. Гостите се вратија во игра само пет минути подоцна, откако Гаритано во 73. минута израмни на 1-1.

И кога сите помислија дека ќе се игра продолженија, фудбалерите на Чезена неспретно реагираа па главниот судија во 95. минута досуди пенал за Рома, кој го реализира Тоти и донесе полуфинале за Рома.

Во полуфиналето фудбалерите на Рома за противник ќе го имаат градскиот ривал Лацио.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.