Продолжува прекрасната бајка на нашата најдобра тенисерка Лина Ѓорческа, откако на најновата ВТА ранг-листа успеа да ја пробие бариерата од 200 и забележа огромен скок и сега е на 192. позиција.
Овој нејзин успех се сведи на одличниот настап на квалификациите за првиот Грен слем турнир сезонава, Австралија Опен. Лина во Мелбурн успеа да стигне до третото квалификациско коло, каде беше запрена од Штефани Фегеле од Швајцарија.
Претходно, Македонката по фуриорен тенис ги елиминира подоброрангираните тенисерки, Далма Галфи и Саша Викери.
Во двојки, Ѓорческа забележа мал пад од шест места и сега е на 135. позиција. Сезоната само што започна, а според игрите на Лина во Мелбурн може да се очекува голем напредок во кариерата оваа година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
