Досега непозната дрога во Турција е заплената од полицијата на истанбулскиот аеродром „Ататурк“. Само еден килограм од овој наркотик, кој е во вид на прав, бил доволен за да се произведат 900 килограми синтетичка дрога, соопштија аеродромските власти.
Дрогата била откриена во чанта на една патничка, која пристигнала со авион од Хонгконг. Дежурната екипа на аеродромот од Дирекцијата за борба против шверц на дрога се посомневала во патничката и побарала проверка на нејзината чанта. Биле пронајдени три кутии, во кои бил ставен наркотикот.
Жената тврдела дека кутиите содржат протеин во прав, а лабораториските анализи покажале дека станува збор за нов вид дрога, која во Турција не е позната. Патничката е приведена, а истанбулската полиција во соработка со своите колеги во Хонгконг водат истрага за откривање на испраќачот на дрогата.
Ова е една од најголемите наркооперации на полицијата на аеродромот „Ататурк“. Вредноста на пратката изнесува 3,7 милиони евра.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
