Единствениот иселеник во светот кој организираше протести пред амбасадата на матичната земја од која доаѓа е Мето Коловски кој цврсто игра по тактот на СДСМ.
Оваа инсталација на СДСМ меѓу македонските иселеници е практично човек организација, а за делењето на истите навики со неговата матична партија СДСМ говори и соопштението на Обединетата македонска дијаспора написано од Коловски.
Тој како нејзин претседател практично до вчера се колнеше во лојалноста и блискоста со администрацијата на Обама, нешто што иако далеку од вистината, на Коловски му користеше во она што најдобро го умее лажно преставување и ползување на лични интереси и бенефиции за тоа, а сега по изборот на Трамп,ја смени лентата, и во стилот на домашен миленик мелез, ја напаѓа администрацијата на Обама за недоволна посветеност кон македонското прашање. Слично како и неговата СДСМ чии претставници се фалеа и стискаа лајкови за номинацијата на Хилари, па откако загуби се први поборници на Трамп. Коловски сакајќи да говори за големи теми а на тој начин додавајќи си на значење, во најновата лична беседа испратена до јавноста се фали како луѓе од администрацијата на Трамп дури биле присутни на маскенбалот кој Коловски го правел за Василица
– Неколку пријатели на Мето, негови соработници и толку, не може да има присутни од администрацијата на Трамп бидејќи се уште формално на василица Трамп не ни беше претседател. Измислици на Мето да си придодаде на значење, вели еден од иселениците кој кусо бил присутен на забавата на Коловски во Вашингтон и додава:
” И на Македонците ни е јасно дека се работи за трговец поединец и нема никакво влијание меѓу нас, жално е што преставувајќи се со неговата ОМД како голем патриот купува влијание и реализира свои финансиски интереси, но најважно е сто сее магла по луѓето”.
Одејќи по принципот „зборувај за големите теми и така може ќе си влијателен“, Коловски повторно се обидува да продаде влијание и да се наметне како авторитет. Со самото тоа се разобличува дека станува збор за манипулатор прочитан од македонските иселеници и за човек организација кој на тој начин заработува за живот.
Во последното соопштение повторно не дава одговор на дилемата и контрадикторноста. Од една страна вика дека Македонија мора да влезе во НАТО, обвинувајќи ја власта зошто не го направила тоа, а од друга, во истото соопштение продавајќи патриотизам, тврди дека државата не смее да го смени името, иако се знае дела единствен услов за влез е притисок името да се смени.
Во суштина ниту името ниту државата е негов предмет на интерес, туку желбата скапо да се продаде. Оние кои добро го познаваат потврдуваат дека всушност се работи за сдсмовска инсталација меѓу иселениците.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
