Мозокот не ги контролира само нашите мисли и основни физиолошки функции. Неодамнешна студија покажува дека тој, исто така, го контролира начинот на кој нашето тело одговара на заканата од бактериска инфекција. Мозокот предизвикува зголемено производство на заштитната молекула ПЦТР1, која им помага на белите крвни зрнца да ги убиваат бактериите, објави Сајенс алерт.
Нашите тела се во постојан контакт со бактерии. Во повеќето случаи тие не претставуваат закана, бидејќи ние сме развиле заштитни системи со кои ги контролираме овие организми. Но, во некои случаи, особено кога заштитните системи на телото се ослабени, бактеријата може да нападне и да предизвика инфекција, а во екстремни случаи дури и сепса, која може да доведе до смрт.
За да се најдат нови начини за борба против бактериите и особено поради фактот што тие стануваат резистентни на многу од антибиотиците, научниците се насочија кон централниот нервен систем.
Последното истражување откри дека намалување на ПЦТР1 молекулите ја намалува и способноста на макрофагите да ја убиваат ешерихија коли.
Многу е веројатно дека ќе успееме да му помогнеме на телото, со оптимизирање на концентрацијата на оваа и други заштитни молекули, и така да му помогнеме да се справи со повеќе инфекции, но и да се намали зависноста од антибиотиците.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
