Toдор го убил својот најдобар пријател: Кога ќе излезам од затвор, ќе му дигнам споменик

Тодор Јовановиќ (59) од српското село Ѓурѓево е осуден на 7 години затвор во Судот во Нови Сад за убиството на својот пријател Душко Миличев кое го сторил на 10 декември 2015 година.

Јовановиќ го признал делото и пред судот изјавил дека не се сеќава јасно на сите настани, затоа што двајцата пријатели тогаш испиле по едно литро ракија и неколку литри пиво. На Тодор освен затворската казна му била одредена и задолжителна терапија за алкохолизам. Во донесувањето на пресудата било земено в предвид дека тој никогаш претходно не бил осудуван, а кога го направил злосторството во крвта имал 3 промили алкохол.

Јовновиќ го убил својот најдобар пријател Душко со кујнски нож. Тој немал ниту еден роднина или член на семејството и живеел сосема сам, а со Миличев секојдневно дружеле и минувале доста време заедно.

Јовановиќ во своето последно излагање пред судот изјавил дека ќе прифати казната каква и да е и дека многу му е жал што на таков начин го изгубил својот најдобар пријател. Исто така ветил дека кога ќе излезе од затвор на Миличев ќе му дигне споменик.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.