Барса со петарда го испрати Лас Палмас (видео)

По првите два натпревари без победа во 2017 година, фудбалерите на Барселона влегоа во ритам и на „Камп Ноу“ го совладаа Лас Палмас со 5-0 во рамките на вториот натпревар од 18. коло на Примера.

Преку 80.000 гледачи во Каталонија видоа одлични 90 минути, во кои и комбинираниот состав на Луис Енрике, кој штедеше некои од фудбалерите кои го понесоа товарот во осминафиналето на Купот на Кралот против Атлетик Билбао. Големата иницијатива во првиот дел, на шампионот на Шпанија му донесе водство по 14 минути игрa, кога акцијата на Андре Гомез од десната страна со реакција на расен стрелец во гол ја претвори Луис Суарез.

Во 52. минута Меси зголеми на 2-0, а веќе во 57. минута, со вториот погодок на Суарез, беше и 3-0. Во 59. минута Туран го постигна и четвртиот гол за Барселона, а во 80. минута Видал ја заокружи „петардата“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.