Олга Попоска (77), која престојува во Домот за стари лица „Резиденција Дабески”, е овогодинашна кума на Македонската опера и балет. Таа на вчерашниот концерт по повод празникот Василица, кој традиционално се одржува во МОБ, имаше најмногу среќа да го земе лепчето со паричка.
Попоска зела две лепчиња, едно за цимерката во домот Дабески, која не била во можност да дојде на концертот, и едно за себе. Имала чувство дека во едно од двете лепчиња има паричка и среќата ја споделила најпрво со цимерката, а утрово и со сите во Домот.
Како награда од МОБ, Попоска ќе добие бесплатни билети за целата сезона на МОБ.
Оваа споделување на лепчиња во кои едно од нив има паричка претставува новина во МОБ, со најава дека ќе прерасне во традиција.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
