Сан Антонио го декласираше Торонто, Пол Џорџ и донесе победа на Индијана (видео)

Во еден од највозбудливите дуели од синоќешната програма во НБА лигата,немаше изненадување, Сан Антонио го разби Торонто со 110-82. Олдриџ со 23 поени беше одличен кај Сан Антонио, додека на спротивната страна ДеРозан постигна 26 поени. Мајами на гостувањето кај Феникс загуби со 99-90, а пресуден за гостите беше Букер со 27 поени. Драгиќ постигна 24 поени за гостите.

Филаделфија пред своите навивачи славеше против Минесота со 93-91 во дербито на екипите од дното на своите конференции. Ла Вајн со 28 поени беше најефикасен на мечот, но неговата добра партија не и помогна на Минесота. Ембид ја предводеше Филаделфија со 25 поени и 8 скока.

Бостон со 115-104 беше подобар од Јута, а на патот до победата предводеше Томас со 29 поени и 15 асистенции, како и Ал Хорфорд со 21 поен.

Во извонреден меч, Детроит загуби од Индијана со 116-121. Пол Џорџ се врати во старата форма, постигнувајќи 32 поени, додека Харис со 22 поени и Џексон со 20 поени и 12 асистенции го одржуваа Детроит до крајот во живот, но не доволно.

Кошаркарите на Денвер, пак, на свој паркет загубија од Сакраменто со 120-113. ДеМаркус Казинс блескаше кај Сакраменто со 31 поен, додека Галинари со 24 поени беше најдобар кај Денвер.

Во последниот меч на вечерта, ЛА Лејкерс со 116-102 беа подобри од Мемфис.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.