Во ек на изборен молк Шилегов агитира во Теарце (фото)

На само неколку часа пред прегласувањето во Театрце, партискиот портпарол и носител на листата на СДСМ во шестата изборна единица, Петре Шилегов во екот на изборниот молк агитира директно кршејќи го Законот.

Шилегов лично и директно го крши изборниот молк во пресрет на утрешното прегласување на избирачкото место 2011 во Општина Теарце.

Покрај тоа што го крши изборниот молк, Шилегов го крши и Законот за забрана за пушење на јавни места, кој е на сила веќе неколку години. На фотографијата Шилегов може да се забележи со цигара во рака, што јасно укажува на тоа дека законите за партискиот портпарол на СДСМ не важат.

За пушење цигара во затворен простор, Законот предвидува санкции и за сопственикот на локалот и за прекршителот на законот.

Постојат информации дека наводно се фатени луѓе со пари како агитираат и се обидуваат да ги потплатат жителите на Теарце.

На избирачкото место 2011 во Избирачкиот список се запишани вкупно 714 гласачи. На 11-ти декември правото на глас го искористија 404 гласачи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.