Лестер ќе го обжали црвениот картон на Варди

Екипата на Лестер испратила жалба до дисциплинската комисија на Премиер лигата за црвениот картон кој го заработи Џејми Варди на последниот меч.

Лестер и Стоук минатото коло одиграа реми (2-2), а Варди беше исклучен во 28. минута поради груб прекршок над Маме Диуф. Стратегот на Стоук, Марк Хјуз изјави дека исклучувањето е заслужено, но со него не се сложува Раниери, кој истакна дека не се согласува со судиската одлука. Италијанецот беше гневен по натпреварот, па дури и се обиде да се пресмета со судиите.

Одлуката околу судбината на Варди ќе биде донесена во наредните денови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.