Германската канцеларка Ангела Меркел, по обвинувањата од десно популистичката партија Алтернатива за Германија дека таа лично има одговорност за вчерашниот напад заади политиката кон бегалците, изјави дека „ова е многу тежок ден“.
– Разочарана сум, шокирана и многу сум тажна поради тоа што се случи вчера во Берлин. Ова злосторство ќе биде разјаснето и најстрого казнето според законот. Не сакаме да живееме во страв од зло што ќе нè парализира – вели Меркел, во момент кога уште се претпоставуваше дека се работи за терористички напад. Најави дека ќе го посети местото на нападот.
-Нападот ќе биде уште помачен во случај извршителот да имал одобрен азил во Германија – додава Меркел, која утрината разговарала и со американскиот претседател Обама.
Во вчерашниот напад во Берлин загинаа 12 лица, 50 се повредени кога камион влета во метежот среде божикен базар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
