Управниот суд во Македонија ќе го отфрли решението на Државната изборна комисија (ДИК) за поништување на гласањето во Гостивар, со што ќе може да се пристапи кон формирање на Владата, вели во изјава за српска „Политика“, политичкиот аналитичар Сашо Клековски.
Клековски смета дека одлуката на Управниот суд не би требало да биде изненадување, бидејќи Судот и претходно имал такви предмети.
-Отфрлани се тужби да поради еден глас биде поништено гласање на избирачко место каде има 800 и повеќе гласачи, бидејќи тој еден глас не можел да влијае на резултатите од изборите. Моето очекување е дека Судот ќе го отфрли решението на ДИК за поништување на гласањето, со што би се отворила следната фаза, формирање на влада, вели Клековски за „Политика“
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
