Минстерот за надворешни работи на Русија, Сергеј Лавров телефонски разговараше со американскиот државен секретар Џон Кери за ситуацијата во Алепо, јави ТАСС.
Лавров му кажал на Кери дека Дамаск е подготвен да обезбеди евакуација на бунтовниците од источниот дел на Алепо и побара од американскиот државен секретар да влијае врз вооружената опозиција да се повлече од градот.
Според Лавров бунтовниците се под влијание на лидерите на групата Џебхат ал Нусра и одбиваат прекин на огнот.
Шефот на руската дипломатија во телефонскиот разговор ги потенцирал напорите на Русија и на Сирија за олеснување на хуманитарната ситуација во Алепо и за помош на цивилите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
