Мечот Кашима и Атлетико влегува во историјата, за првпат е досуден пенал по прегледување на снимката (видео)

Јапонскиот претставник, Кашима Антлерс, на изненадување на сите фудбалски фанови е првиот финалист на Светското клупско првенство. Во денешното полуфинале Кашима со убедливи 3-0 го совлада колумбиски Атлетико Насионал, но сепак овој дуел по нешто друго ќе биде запишан во фудбалската историја.

Имено, при резултат од 0-0 главниот судија Виктор Касаи не го забележа стартот на Бериј над Ниши, но по 44 секунди откако ја погледна снимката досуди пенал за Кашима.

Оваа правило e експеримент на ФИФА и за првпат е применето на ова првенство. Јапонскиот тим во финалето ќе се сретне со победникот од вториот полуфинален дуел меѓу Реал Мадрид и Клуб Америка, кој ќе се одигра утре со почеток од 11.30 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.