По објавувањето на конечните резултати од изборите автоматски им завршува мандатот на министрите и на дополнителните заменици-министри во неколку министерства.
Штом ДИК официјално ќе ги објави конечните резултати, им завршува мандадот на дополнителните заменици-министри, Оливер Спасовски во МВР, Фросина Ременски во МТСП, Љупчо Николовски во Министерство за земјоделство и Александар Кирацовски во Министерство за администрација и информатичко општество.
Ова е предвидено со Договорот од 20 јули и меѓу другото значи дека штом ДИК ќе излезе со официјалните резултати, Оливер Спасовски и Фросина Ташевска-Ременски повеќе нема да бидат министри.
Функцијата министри до формирањето на новата влада, по заминувањето на Спасовски и на Ременски, треба да ја преземат актуелните заменици-министри во МВР и во министерството за труд и социјална политика, Агим Нухиу и Ибрахим Ибрахим.
Престанува и мандатот, а во моментов е разрешена и уредничката на МРТВ Санта Аргирова која беше поставена согласно Пржинскиот договор како кадар на СДСМ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
