Кливленд се врати на победничките патеки, Томпсон е незапирлив (видео)

Шампионот Кливленд Кавалирс ги остави зад себе трите последователни порази и вторпат по ред триумфира во НБА лигата. Веќе три години трае победничката низа на Кливленд кога гостува кај Њујорк во легендарната „Медисон сквер гарден“, па и синоќешниот дуел не беше ништо поразличен. Кавси лесно направија двоцифрена предност што до крајот се искачи на огромни 32 поени за триумф од 126-94. Кајри Ирвинг постигна 28 поени, Леброн запиша 25 поени, а Кевин Лав уфрли 21 поен.

Изминатите пет ноќи Голден стејт како да не сака да му дозволи на противникот да ја направи разликата помалку болна и попристојна за гледање. Таков беше случајот и на синоќешниот натпревар против ЛА Клиперс. „Воините“ си поигруваа со гостите од Лос Анџелес, разликата без проблеми се искачи и на 20 поени. До крајот разликата ја одржуваа рутински за победа од 115-98. Томпсон повтторно беше најрасположен со 24 поени, два помалку уфрли Дрејмонд Грин. Кари запиша 19 поени зад своето име на кои придодаде и седум украдени топки.

НБА резултати:

Шарлот – Детроит 87-77, Орландо – Бостон 87-117, Атланта – Мајами 103-95, Бруклин – Денвер 116-111, Хјустон – ЛА Лејкерс 134-95, Милвоки – Портланд 115-107, Далас Сакраменто 89-120, Феникс – Индијана 94-109 Њујорк – Кливленд 94-126, Голден стејт – ЛА Клиперс 115-98.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.