Реал одбра второ место во групата, Борусија анулираше два негатива! (видео)

Вечерва со осумте натпревари од шестото коло во групите Е, Ф, Г и Х беше заокуржена групната фаза во Лигата на шампионите. Иако во следната рунда има место за осум екипи, шест беа познати од порано, а вечерва актуелниот шампион во Лигата на Европа екипата на Севилја остана непоразена во Лион и со тоа се пласираше во нокаут фазата. Порто ја потврди фаворитска улога против Лестер и со високи 5-0 го зазеде второто место во групата Г зад денешниот противник.

Дербито се одигра на „Сантијаго Бернабеу“ каде домашната екипа Реал Мадрид со евентуална победа над Борусија Дортмунд ќе се пласираше на првото место во групата. Избраниците на Зинедин Зидан по првото полувреме и неколкуте минути од вториот дел покажаа дека повеќе ја посакуваат победата и со двата гола на Бензема имаа солидна предност од 2-0 се до 60. минута кога Борусија преку Обамејанг го намали водството. Опуштањето на „кралевите“ во финишот од мечот ги чинеше победа бидејќи резервистот Марко Ројс го постигна израмнувачкиот гол 88.минута.

Порто беше убедлив на домашен терен против Лестер, победувајќи со 5-0. За португалскиот тим тоа значеше и заверување на пласманот во нокаут фазата. Андре Силва беше стрелец на два гола, а во листата на стрелците се запишаа и Корона, Брахими и Хота.

Јувентус го завери првото место во групата Х со рутински триумф над Динамо Загреб од 2-0. Игуаин го отвори резултатот, а Ругани беше стрелец на вториот погодок за „старата дама“.

Легија Варшава го совлада Спортинг Лисабон со 1-0, со голот на Гилјерме и избори пласман во Лигата на Европа.

Резултати Лига на шампиони:

Група Е:

Баер Леверкузен – Монако 3-0, Тотенхем – ЦСКА Москва 3-1
Табела: Монако 11, Баер Л. 10, Тотенхем 7, ЦСКА М. 3.

Група Ф:

Легија – Спортинг Л. 1-0, Реал М. – Борусија Д. 2-1
Табела: Борусија Д. 14, Реал М. 12, Легија 4, Спортинг Л. 3.

Група Г:

Клуб Бриж – Копенхаген 0-2, Порто – Лестер 5-0
Табела: Лестер 13, Порто 11, Копенхаген 9, Клуб Бриж 0.

Група Х:

Јувентус – Динамо Загреб 2-0, Лион – Севилја 0-0
Табела: Јувентус 14, Севилја 11, Лион 8, Динамо Загреб 0.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.