Телохранителот на Кенеди: Кога сите заминаа од погребот, Џеки направи нешто неочекувано

Пред 53 години, на 22. ноември 1963 година, бил убиен американскиот претседател Џон Кенеди. Книгите „Госпоѓа Кенеди и јас” и „Пет претседатели“ откриваат што навистина се случило и тоа од некој што во тој момент бил на самото место – агентот на тајната служба, Клинт Хил.

Извадок од книгата на Клинт Хил: Пет претседатели: Моето неверојатно патување со Ајзенхауер, Кенеди, Џонсон, Никсон и Форд”

-Недела 24. ноември беше ден кога телото на убиениот претседател беше однесено во Вашингтон. Тоа утро добив итна порака да се вратам во резиденцијата. Госпоѓа Кенеди и нејзиниот девер Роберт сакаа да се видат со претседателот за последен пат. Трчав низ ходникот кон источната соба, каде генералот Годфри МекХју ја чекал госпоѓа Кенеди и државниот обвинител”.

Откако побара од почесната гарда да се сврти и да се тргне од ковчегот, генералот МејХју полека го тргна знамето и заедно го кренавме капакот од ковчегот. Го видовме претседателот Кенеди во тој тесен ковчег, со затворени очи, како мирно спие.

МекХју и јас се оддалечивме од ковчегот и дозволивме првата дама и братот на претседателот да се простат од човекот кој неизмерно го сакаа.

Расплакана, госпоѓата Кенеди се сврте кон мене и ме праша дали може да и донесам ножици. Брзо најдов во некоја од канцелариите низ ходникот, и ги подадов и се свртев да им дадам малку приватност. Свртен со грб кон ковчегот, слушнав звук на ножици и плач, додека Џеки сечеше прамен од косата на својот сопруг.

Роберт Кенеди полека го затвори ковчегот, ја фати госпоѓата Кенеди за рака и заедно излегоа од Источната соба. Генералот и јас проверивме дали ковчегот е безбедно затворен. Погледнав во часовникот. Беше 12:46. Го видов претседателот Кенеди за последен пат во животот. Ковчегот повеќе не беше отворен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.