Невработената Ивана Туфегџиќ за пратеничкото место во СДСМ уплатила над 100.000 денари

Кампањата на СДСМ само во последните 10 дена, „граѓанската активистка“ и кандидат за пратеник на опозицијата Ивана Туфегџиќ ја чинела 101.900 денари. Според официјалниот финансиски извештај таа во два наврати донирала на сметката на СДСМ за изборите 42.900 на 29.11. и два дена подоцна 59.000 денари. Нејасно е од каде ѝ се средствата на Туфегџиќ, која е невработена, за да си го плати пратеничкото место.

Дека „граѓанската активност“ добро се исплатува покажува и случајот со „шарениот“ Павле Богоевски. Тој во два наврати на Заев за своето пратеничко место му платил 99.000 денари, 40.000 на 23.11. и 59000 на 28.11.

Мухамед Зекири во Арачиново

Колку е скап функционерскиот живот на своја кожа почувствува и новопечениот политичар, довчерашен новинар, Мухамед Зекири. Тој во кампањата на СДСМ во последните 10 дена донирал 4 пати, сума во вкупен износ од 180.000 денари.

Наследничката на Шекеринска и Заев, која има само 23 години, е член на младината на СДСМ, а довербата на партиската врхушка ја стекна преку Студентскиот пленум, во кој беше задолжена да ја води битката на СДСМ за целосно оцрнување на легитимните студентски избори.

Ивана Туфегџиќ е магистрант по Уставно право на Правниот факултет „Јустинијан Први“. Стана препознатлива во јавноста по платеничките настапи за исполнување на агендата за уништување на демократијата. Таа е еден од најистакнатите лидери на сдсмовскиот пленум кои како дел од платеничката револуција на опозицијата сакаа да ги спречат и легитимните избори за нов студентски лидер.

Ивана Туфегџиќ е член на младината на СДСМ и многу блиска до раководството на партијата за што потврдуваат и овие фотографии со лидерот Зоран Заев и неговата заменичка Радмила Шекеринска.

Ивана Туфегџиќ практикува улични демократија, често се обраќаше на платеничките променади на платеничката револуција, а е задолжена за кревање на тензии и предизвикување инциденти.

Ивана Туфегџиќ за реализацијата на плановите на својата партија не е задолжена од скоро. Таа изминатите неколку години е задолжена за креирање сценарија и сеење лаги и манипулации помеѓу студентите. Таа започна рамо до рамо да бара и оставрување на барањата на нејзините лидери во екот на политичката криза, па на својот блог делеше совети како треба да работи парламентот, како претседателот да замине од својата позиција и сл.

Според финансискиот извештај, кампањата на СДСМ чинела околу 320.000 евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.