Интер ја совлада Фјорентина за 20 минути (Видео)

Интер вчеравечер ја победи Фјорентина со 4-2 во последниот натпревар од 14. коло во италијанската Серија А.

Екипата на Стефано Пиоли одигра еден од најдобрите натпревари од почетокот на сезоната, а победата ја запечати уште во првите 20 минути. Брозовиќ од првиот вистински напад на мечот го отвори резултатот, а потоа во 9. и во 19. минута голови постигнаа Кандрева и Икарди.

До крајот на првиот дел Фјорентина го намали резултатот со голот на Калиниќ, а виолетовите во последните секунди од првото полувреме останаа и без исклучениот Родригез. И со играч помалку Фјорентина постигна уште еден гол преку Иличиќ, кој намали на 3-2. Конечниот резултат го постави Икарди со својот 12. гол во сезоната.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.