Авион со 77 патници и членови на екипажот се урна во близина на Меделин во Колумбија. Светските медиуми јавуваат дека 13 лица се преживеани, а 64 мртви. Во леталото кое се движело кон вториот колумбиски аеродром по величина биле и фудбалерите на бразилски Шапокоенсе. Се сомнева дека причина за несреќата е немање доволно гориво.
Авионот од типот „Аероспејс 146“ полетал од Сао Паоло во Бразил и имал едно застанување во Санта Круз де ла Сиера во источна Боливија каде веројатно танкирал гориво, но, се чини, недоволно, по што се упатил кон Колумбија. Светските агенции наведувааат дека со истиот авион овој месец леташе и фудбалската репрезентација на Аргентина.
Бразилските медиуми јавуваат дека авионот загубил контактот со контрола на летот нешто по полноќ по локално време и дека несреќата се случила неколку минути пред слетување.
Шапокоенсе патуваше во Колумбија на натпревар со домашниот Атлетико Национал во финалето на Купот Судамерикана што требаше да се одигра утре.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
