Додека Македонската евровизиска делегација нема испратено никакво официјално соопштение на оваа тема, српските медиуми веќе на големо пишуваат.
Организаторите на „Евровизија“ имаа еден голем пропуст кога станува збор за македонската делегација, пишува порталот Смедиа.
„Делегацијата на Македонија е многу незадоволна бидејќи од организацијата не доби ниту превоз, па се снаоѓа како знае и умее. Така во една прилика човек од македонската делегација го прашал возачот на „Евровизија“ да ги почека додека да заврши интервјуто на Есма. Возачот му одговорил дека не може да чека и дека најдобро би било сами да си организираат превоз. Тој на тоа одговорил: Веројатно нема Есма Реџепова да се вози со градски превоз!“, пренесува новинарката Наталија Милосављевиќ, новинар и известувач за порталот Смедиа.
Доколку нашите претставници навистина доживеале ваков „третман“ тогаш ова е сериозен пропуст на организаторите на еден од најголемите музички натпревари во Европа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
