Поранешниот шведски тениски ас Матс Виландер, кој е познат по негативните коментари за Новак Ѓоковиќ, сега изјави дека Рафаел Надал и Роџер Федерер нема повеќе никогаш да бидат на првото место.
– Да бидеме искрени, Роџер Федер со 35 години нема да може повторно да освои Грен слем. За разлика од Швајцарецот, Надал можеби повторно и ќе го освои Ролан Гарос, но мислам дека нема да биде конкурентен на брза подлога. Надал едноставно нема игра и континуитет за да се врати на првото место, а тоа нема да го направи ниту Федерер – смета Виландер.
Надал изминатата 2016 година ја заврши на 9. место, а Федерер беше дури 16. И двата тенисери го пропуштија вториот дел од сезоната.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
