ДИК ги објави комплетните листи: Погледнете ги сите кандидати за пратеници

Државната изборна комисија денеска ги објави листите на кандидати за пратеници на претстојните парламентарни избори закажани на 11 декември. На изборите на 11 декември ќе учествуваат 11 политички субјекти: шест политички партии и пет коалиции со 58 листи на кандидати. Право на глас пак имаат вкупно 1.784.524 граѓани, а во дијаспората ќе можат да гласаат 20.591 македонски државјани.

ВМРО-ДПМНЕ, СДСМ, ДУИ, коалицијата ВМРО за Македонија имаат поднесено листи за пратеници во сите седум изборни единици. ДПА поднела листи за пратеници во првата, втората, третата, петтата и во шестата изборна единица. Коалицијата за промени и правда – Трет блок поднела листи за пратеници во сите изборни единици во Македонија, но не за изборната единица 7, каде што треба да гласа дијаспората.

Партијата за демократски просперитет поднела листа на пратеници само во шестата изборна единица. Коалицијата Алијанска за Албанците и движењето Беса пратенички листи поднеле во првата, втората, петтата и во шестата изборна единица. Либералната партија и Левица поднеле листи во сите изборни едници освен во седмата изборна единица, односно за дијаспората.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.