Најдобрата македонска фудбалерка Наташа Андонова која настапува за шведскиот тим Розенгард ќе игра во четврт-финалето на фудбалската Лига на шампиони затоа што заедно со нејзиниот тим ја потврди улогата на фаворит против чешка Славија Прага.
Шведскиот тим синоќа го доби и вториот дуел со 3-0, па така во наредната фаза продолжува со вкупен резултат 6-1. Македонската фудбалерка на реванш-дуелот влезе во 55. минута и го одигра мечот до самиот крај.
Покрај Розенгард, пласман во четврт-финалето обезбедија и Манчестер сити, Фортуна Хјеринг и Лион, а останатите патници во наредната фаза ќе бидат познати по вечерашните дуели.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
