Заев за глас повеќе ги продава националните интереси пред албанската дијаспора (видео)

Заев беше во дводневна посета на Швајцарија, каде во неделата во Берн се обратил на дебата реализирана со албанската дијаспора, а на тема „Македонија на праг на избори: Промените, илузија или реалност?“.

Покрај него обраќање имал и Зијадин Села. Според официјалната најава пак од СДСМ, Заев ќе имал трибина со граѓаните од Македонија кои живеат и работат во Швајцарија.

Се појасно станува е дека Заев ја тера својата агенда за федерализација и двојазичност на Македонија. По многубројните изјави на оваа тема, двојазичните табли на општинските организации на СДСМ низ Македонија, следно на агендата на Заев беше дебатата со албанската дијаспора за продажба на националните интереси.

За потсетување, Муса Љамалари, претставник на албанската дијаспора отворено во април призна дека остварувал средби со Заев, разговарале за федерализација и по таа средба помалите албански партии излегле на улица за да го поддржат Заев да нема избори. Тогаш, во изјавата Љамалари повторно нагласи дека тој се залага за федерализација на Македонија, нешто што како што вели, сите го знаат.

И во интервјуто за ТВ 21 Заев потврди дека не се откажува од планот и намерата за двојазичност на Македонија. Тој недвосмилено изјави дека ќе го промени и Уставот за да се регулира двојазичноста во земјава.

Најскандалозна беше изјавата дека според него „грдото лице на Македонија“ се сите оние луѓе кои не се согласуваат со него.

Сите изјави и чекори кои ги презема лидерот на СДСМ само ги потврдува дека неговите најави за двојазичност на целата територија, се сериозни што наиде на огромен револт кај македонските граѓани, но и кај експертската јавност.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.