Застрашувачка снимка: Со своето тело го заштити синот од бесните кучиња (Видео)

Откако дијвачки ги нападнале две кучиња, храбрата мајка од Калифорнија со своето тело го заштитила синот од нападот.

Момчето кучињата го нападнале пред куќата, а мајката веднаш дотрчала до него и застанала така да го заштити од дивеењето на животните. Поради тоа што не можела веднаш да ги пронајде клучевите од куќата, некое време со телото го штитела синот, а дури и го подигнала над главата.

Успеале да се извлечат кога им помогнала сосетката која со стап ги истерала животните.

Момчето завршило во болница со угризи по целото тело, додека мајката е полесно повредена.

Таткото на момчето Спенсер Бишоп, ги погледнал снимките од безбедносните камери, но рекол дека снимката е толку шокантна што не би можел повторно да ја гледа.

-Тоа беше постојана борба, пет или седум минути чист терор, изјави Бишоп за КТЛА.

Додаде дека неговиот син има големи рани на лицето и нозете.

-Пластични хирурзи му го оперирале лицето, вознемирено вели таткото.

Својата жена ја нарече храбра и додаде дека луѓето не можат да го замислат тоа чувство додека не се случи на нивната жена или дете.

Кучињата сега се наоѓаат во Канцеларијата за контрола на животните, а по истрагата ќе биде познато дали ќе бидат успиени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.