Теодосиќ влегува меѓу легендите, сега се наоѓа на третото место на вечните листа на асистенти во Евролигата (видео)

Кошаркарите на ЦСКА Москва го продолжија 100 проценти учинок по победата против Реал Мадрид од 91-90. Но, натпреварот во Москва повторно ќе остане запаметен по одличните асистенции на српскиот кошаркар Милош Теодосиќ, со кои се обезбеди и место во историјата на европската кошарка.

Теодосиќ натпреварот го заврши со 15 поени и 8 асистенции, а токму со тие асистенции успеа да го помине Тео Папалукас, кој со 977 асистенции се наоѓаше на третата позиција на вечната листа. Од неговите осум асистенции, спектакуларна беше онаа која беше дел од акцијата на Кријапа и Хајнс.

Team work. By @cskabasket.#7DAYSMagicMoment #CSKRMB pic.twitter.com/5zm1HY1WS2

— EuroLeague (@EuroLeague) November 11, 2016

Следен, кој Теодосиќ ќе се обиде да го надмине на вечната листа е Василис Спанулис, кој има 997 асистенции, а далеку напред е сега веќе пензионираниот Дијамантидис со 1.255 асистенции.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.