Мојата сестра ми призна дека има афера со мојот сопруг 2 години, а јас ништо немав забележано

Би била најсреќна кога ниеден од нив не би го видела никогаш повеќе во животот, но немам избор. Не можам на син ми да му забранам да го гледа својот татко, заклучила несреќната жена.
Ова е исповед на 32-годишна жена од Осиек на која сопствената сестра ѝ признала дека има афера со нејзиниот сопруг, пишува порталот 24сата.хр.

-Не можам да верувам дека ништо не забележав. Дури две години биле љубовници – мојата сестра и мојот сопруг. Наивно верував дека сестра ми е често кај нас бидејќи сака да поминува време со мене, но не било така. Пред неполни три месеци ми рече дека сака да разговараме. Изгледаше некако невообичаено сериозно. Првото нешто што го изговори беше: „Не можам повеќе ова да го држам во себе, не можам. Спијам со твојот сопруг веќе две години. Останав скаменета. Најпрво ми се причини дека не слушнав добро, а потоа ме фати вртоглавица, раскажува несреќната жена.

-Целиот свет ми се урна во една минута. Ми исчезнаа сите надежи, сите планови… Почувствував голема празнина. Не знам колку време помина додека не бев способна да изустам нешто. Ја прашав зошто го направи тоа. Ми рече дека мојот сопруг ја привлекува од првиот ден кога сум ги запознала. Плачеше и се обидуваше да објасни дека не сакала да се случи тоа, но дека нивните емоции биле посилни од разумот, објаснува таа.

-Ми рече дека сè започнало додека бев бремена со нашиот син, во периодот кога поради компликации бев во болница. Тоа сознание дополнително ме скрши. Се гледале кај неа во станот, а мене ми велеше дека мора подолго да остане на работа или дека е излезен со пријателите. Не се посомневав во ништо бидејќи беше работохолик. По признанието од мојата сестра, го одведов син ми кај мојата мајка и чекав сопругот да дојде дома. Не се ни обиде да лаже ниту да тврди дека тоа не е вистина. Тивко призна дека е точно и дека тој и мојата сестра многу се вљубени. Ми рече дека сакал развод, но немал храброст да ми каже што се случува. Дури и плачеше. Му реков да ги собере своите работи и да си замине. Се пресели кај мојата сестра. Би била најсреќна кога ниеден од нив не би го видела никогаш повеќе во животот, но немам избор. Не можам на син ми да му забранам да го гледа својот татко, заклучила несреќната жена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.